/ Мэдээ мэдээлэл / “ЭРГҮҮЛ-ШИНЭ ЖИЛ” ХЭСЭГЧИЛСЭН АРГА ХЭМЖЭЭГ ЗОХИОН БАЙГУУЛЛАА.

“ЭРГҮҮЛ-ШИНЭ ЖИЛ” ХЭСЭГЧИЛСЭН АРГА ХЭМЖЭЭГ ЗОХИОН БАЙГУУЛЛАА.

        Тус цагдаагийн хэлтэс нь хариуцсан нутаг дэвсгэрт гэмт хэргийн гаралтыг бууруулах, эрүүгийн болон хэв журмын нөхцөл байдлыг тогтворжуулах шинэ жилийн баярыг тохиолдуулан хулгай, дээрэм, танхайн гэмт хэрэг, зөрчил үйлдэгдэхээс урьдчилсан сэргийлэх үйлдэгдсэн гэмт хэргийг илрүүлэх, таслан зогсоох, галын аюулгүй байдлыг хангах ажлыг сайжруулах, гудамж талбайд ажиллах эргүүлийн үйл ажиллагааг эрчимжүүлэх, Цагдаагийн байгууллага, Онцгой байдлын албаны үйл ажиллагааг сурталчилан таниулах, иргэд олон нийтийн оролцоог нэмэгдүүлэх, хамтын үйл ажиллагааг бэхжүүлэх зорилгоор Сонгинохайрхан дүүргийн Иргэдийн төлөөлөгчдийн хурлын даргын баталсан  төлөвлөгөөний дагуу “Сонгинохайрхан дүүргийн Онцгой байдлын хэлтэс”-тэй хамтран “Эргүүл-Шинэ жил” хэсэгчилсэн арга хэмжээг 2017  оны 12 дугаар сарын 13-ний өдрөөс 12 дугаар сарын 25-ны өдрийг хүртэл 13 хоногийн хугацаатай зохион байгуулан ажиллаа.

        Арга хэмжээний хүрээнд тус цагдаагийн хэлтсээс давхардсан тоогоор 52 офицер, 152 ахлагч, Сонгинохайрхан дүүргийн Онцгой байдлын хэлтсийн гал түймэр унтраах, аврах 26, 29 дүгээр ангийн 151 алба хаагч 186 чиглэлд 07:30-15:00 цагийн хооронд үүрэг гүйцэтгэлээ.

       Дээрх хугацаанд Сэлбэ-10-аас 9, иргэдээс 13 дуудлага мэдээлэл хүлээн  авч 1 гэмт хэргийг халуун мөрөөр нь илрүүлж гудамж талбайд биеэ авч явах чадваргүй болон бусдын амгалан тайван байдлыг алдагдуулсан 13 хүнийг тус цагдаагийн хэлтсийн эрүүлжүүлэх байранд хүлээлгэн өгч, 103 болон ар гэр, асран хамгаалагчид нь 28 хүнийг тус тус хүлээлгэн  өгч, иргэн 512, тээврийн хэрэгсэл 341,  дэлгүүр 242, аж ахуйн нэгж байгууллага 178, зочид буудал 49-ыг  шалгаж зөрчил гаргасан 23 иргэнийг 245,000 төгрөгөөр торгож ажиллаа.

 

      “Эргүүл-Шинэ жил” хэсэгчилсэн  арга хэмжээний хүрээнд хариуцсан хороодын нутаг дэвсгэрт хүн ихээр төвлөрдөг аж ахуйн нэгж байгууллага, нийтийн тээврийн автобусны буудал зэрэг газруудад гэмт хэрэг, зөрчлөөс урьдчилан сэргийлэх талаар 113 санамж, сэрэмжлүүлэг байршуулж ажилласан болно.

       Алба хаагчдын үүрэг гүйцэтгэлийн байдалд хэлтсийн удирдлагууд өдөр тутам үүрэг чиглэл өгч хяналт тавьж тасгийн дарга, ахлах байцаагч нарт шалган зааварчилж ажилласан.

       Арга хэмжээний хүрээнд ажиллаж буй алба хаагч нарт тус цагдаагийн хэлтсээс халуун аарц цайг чиглэлд хүргэн өгч ажилласан. Алба хаагчдаас сахилга ёс зүйн зөрчил дутагдал гаргалгүй ажиллаа.

       

          Сонгинохайрхан дүүрэг дэх цагдаагийн нэгдүгээр хэлтсийн хамт олны зүгээс арга хэмжээний хүрээнд хамтран ажилласан Сонгинохайрхан дүүргийн Иргэдийн төлөөлөгчдийн хурал, Сонгинохайрхан дүүргийн Онцгой байдлын хэлтсийн хамт олонд хуулиар хүлээсэн үүргээ нэр төртэй биелүүлж өргөсөн тангарагтаа үнэнч байж ард иргэдийнхээ амгалан тайван амьдралын төлөө ажилласан та бүхэндээ ажил амьдралд нь хамгийн сайн сайханыг хүсэн ерөөе.

 

СЭТГЭГДЭЛҮҮД :

Сэтгэгдэл үлдээгээгүй байна

Энд дарж зурган кодыг шинэчилнэ үү
Статистик мэдээ
  • 2015-02-07
Эрэн сурвалжилж байна