/ Мэдээ мэдээлэл / ЦАГДААГИЙН ЕРӨНХИЙ ГАЗРЫН ДАРГА, ТЭРГҮҮН КОМИССАР Ө.ЭНХТӨР, ЗӨВЛӨЛИЙН ГИШҮҮДИЙН ХАМТ ХЭЛТСИЙН ҮЙЛ АЖИЛЛАГААТАЙ ТАНИЛЦЛАА.

ЦАГДААГИЙН ЕРӨНХИЙ ГАЗРЫН ДАРГА, ТЭРГҮҮН КОМИССАР Ө.ЭНХТӨР, ЗӨВЛӨЛИЙН ГИШҮҮДИЙН ХАМТ ХЭЛТСИЙН ҮЙЛ АЖИЛЛАГААТАЙ ТАНИЛЦЛАА.

     Цагдаагийн Ерөнхий газрын дарга, тэргүүн комиссар Ө.Энхтөр зөвлөлийн гишүүдийн хамтаар 2017 оны 01 дүгээр сарын 07-ны өдөр 16.00 цагт Сонгинохайрхан дүүрэг дэх Цагдаагийн нэгдүгээр хэлтэст хүрэлцэн ирж хэлтсийн ажил байдалтай танилцаж, алба хаагч нартай уулзлаа.

    Цагдаагийн Ерөнхий газрын дарга, тэргүүн комиссар Ө.Энхтөр, зөвлөлийн гишүүдэд тус хэлтсийн дарга, цагдаагийн хурандаа Ш.Цогбаатар ашиглаж эхлээд байгаа хяналтын камер, шинээр барьж ашиглалтад оруулсан хэлтсийн өргөтгөлийн байр, засвар хийгдэж буй спорт заал, 26 автомашины багтаамжтай дулаан зогсоол, “Эрх зүйн зөвлөгөө өгөх өрөө”, саатуулах байр, алба хаагчдын ажлын өрөө тасалгаа зэргийг үзүүлж, танилцууллаа.

     Тус хэлтэс нь өнгөрсөнондУлаанбаатархотын хэмжээнд ажил үйлсээрээбусдыгаахошуучлан ажиллаж, 2016 оны “Тэргүүний бүтээлч хамт олон”-оор шалгарсан билээ.

    Хэлтсийн дарга, цагдаагийн хурандаа Ш.Цогбаатар 2016 онд хийж гүйцэтгэсэн бүтээлч, шинэлэг ажлуудын талаар товч мэдээлэл хийж, хариуцсан нутаг дэвсгэрийн  эрүүгийн болон хэв журмын нөхцөл байдлын талаар танилцуулга хүргэлээ.

       

          Цагдаагийн Ерөнхий газрын дарга, тэргүүн комиссар Ө.Энхтөр алба хаагч нартай уулзсан уулзалтын үеэр: “Тус хэлтсийн ажил үйлс сайн сайхан, өөдрөг байгаа нь харагдаж байна, шинэлэг олон хэлбэрийн ажил зохион байгуулж, алба хаагчдийн нийгмийн асуудлыг шийдвэрлэх, сахилгын зөрчлийг бууруулахад анхаарч нилээдгүй ажлыг зохион байгуулсан нь сайшаалтай байна, энэ онд шинээр “Гэмт хэргийн тухай хууль”, бусад дагалдах хуулиуд батлагдан хэрэгжиж эхэлнэ, иймд алба хаагчид өөрсдөө судалж уншиж танилцах хэрэгтэй, 2017 онд цагдаагийн алба хаагчдийн  мэргэжлийн ур чадвар, харилцааны соёлыг дээшлүүлэх тал дээр онцгой анхаарна, нийслэлийн хэмжээнд камеруудийн хяналтын нэгдсэн системтэй болох ажлыг зохион байгуулна, архидан согтуурдаг иргэдийн нийгмийн асуудлыг шийдвэрлэхэд анхаарч ажиллана...” хэмээн дурьдлаа.

      Мөн хэлтсийн дарга, хэрэг бүртгэх тасгийн дарга, ахлах мөрдөн байцаагч, мөрдөн байцаагч, бусад алба хаагчдаас асуусан асуултад дэлгэрэнгүй хариулт өгч, энэ ондоо багтаан Сонгинохайрхан дүүргийн 21 дүгээр хорооны нутаг дэвсгэрийн “361-ийн гарам”-д шинээр цагдаагийн кабон бариулах, нутаг дэвсгэрийн газар зүйн байрлал, хүн амын нягтаршил, эрүүгийн болон хэв журмын нөхцөл байдлыг харгалзан машинт эргүүлийн чиглэлд ажиллаж буй автомашины шатахууныг нэмэгдүүлэх асуудлыг шийдвэрлэж өгөхөөр боллоо.

\

 

СЭТГЭГДЭЛҮҮД :

Сэтгэгдэл үлдээгээгүй байна

Энд дарж зурган кодыг шинэчилнэ үү
Статистик мэдээ
  • 2015-02-07
Эрэн сурвалжилж байна